WILLEMSTAD.- Resientemente Dance Curaçao a presentá un tremendo presentashon final di nan di 5 edishon di Dance Curaçao Bootcamp.
E aña aki Dance Curaçao a invitá 3 dosente/ koreógrafo ku tin vínkulo ku Aruba i Kòrsou pa bin duna 67 bailarin talentoso un workshop di baile.
E partisipantenan a hasi bon uso di e siman largu di baile intenso kaminda nan a praktiká Jazz, Músika Kontemporáneo i Hip Hop.
For di Statia tabatin e ganadó di premio kultural 2019 huntu ku 5 di su alumnonan kende huntu ku e alumnonan di Boneiru no por a resistí e oportunidat pa siña bailenan ku a keda praktiká.
Dance Curaçao su meta ta pa kompartí konosementu, drecha i stimulá konekshon interkultural, tur esaki kombiná ku edukashon riba e tereno di baile i teatro.
Dance Curaçao ta mas ku orguyoso ku tur partisipante, spònser i dosentenan. Pa mas ku 10 aña kaba konhuntamente ta traha riba mesun meta.