WILLEMSTAD.- Riba  8 i 9 di yüni, Fina Dance Art School i Simia Dance Company ta presentá:  “Conversations “  den Teatro Luna Blou.  Conversations  ta un presentashon di baile inkorporando diferente otro disiplina. Sea e ta un kombersashon  entre e bailarin i un mural …òf  entre e bailarin i un tokadó di djémbé …
E presentashon ta bai tokante eksplorá, inspirá i konektá.  Pa por kapta e sintí i yega na un “kombersashon” (koreografia).
E presentashonnan ta riba 8 i 9 di yüni  8:00 pm i riba 9 yüni matiné 4:00 pm.
E matiné ta pa rekoudá fondo pa proyektonan edukativo di Dance and More Foundation i pa ofresé lès di baile na hóben di ménos rekurso.
‘Conversations’ ta un presentashon dinámiko adekuá pa hóben i adulto. Karchi di entrada ta kosta Fl.27,50  p.p. optenibel na  FinaDanceArtSchool  i Teatro Luna Blou.
Pa mas informashon por yama na 736-5104 entre 2:00-7:00 pm. Di djaluna pa djabièrnè. www.facebook.com/finadanceartschool