WILLEMSTAD.- Nos a drenta e siman kaminda Vader Volk i Oompie Stroopie ta bai presentá e obra titulá 'GeslaagT'. Trainingnan a kana zetá i e elenko ta kla pa presentá wikènt aki. Un obra ku ta bai tokante un Mama ku ta buta hopi preshon riba su yu pa e bai HAVO. E elenko ta konsistí di Edion Booy 'Raymond' : Kabes di Skol; Linzey Janzen 'Elsie': Secretaresse; Sharlene Denisia 'Sharine': Dosente; Veanny Balentina 'Jadah': Alumno i Suzy Eisden 'Julisa': Mayor.  Lo bai tin Funshon djabièrnè 29 di yüni; djasabra 30 di yüni i djadumingu promé di Yüli. Karchinan ta optenibel na Yankee Donuts St Maria, Fusions na Salinja Galeries, Sun Specs na Renaissance Mall, Fun Miles i Bugs Bunny Snèk na Mahaai.