LA VENTA, COLOMBIA, AP.- Despues di un gran ekspektativa, e presidente franses Francois Hollande a aterisá djamars serka di un di e zonanan di desarme di FARC kaminda el a reuní ku lidernan rebelde den un muestra di apoyo na e akuerdo di pas entre gobièrnu kolombiano i e gueria aki.
E mandatario a yega den e lokalidat di La Venta, den e departamento konfliktivo di Cauca, kompañá pa Juan Manuel Santos i a tene un enkuentro privá ku Pablo Catatumbo, Marcos Calarca i otro representantenan di e gueria.
“E desarme i desmobilisashon ta ireversibel”, asina Hollande a bisa na medionan despues di un bishita den e instalashonnan ku ta rondoná e zonanan di desarme i kual ta vários kilometer leu di kaminda e guerieronan armá ta biba. E akuerdo di pas, no por ta unilateral, FARC tambe mester asept’é.
Esaki ta e promé bishita di un hefe di Estado franses den e pais den 28 aña. Den su diskurso, Hollande a referí na víktimanan di e konflikto: 260.000 morto i miónes di persona desplasá, spesialmente esnan pèrdí i “muchanan sòldat”.
