REPUBLIKA DOMINICANA.- E serbeseria Nashonal Dominikano a anunsiá un rueda di prensa ayera kaminda nan a anunsiá ku e artistanan J Balvin, Ozuna, Juan Luis Guerra, Ricky Martin, Justin Timberlake, Zion i Lenox, Wisin (El Sobreviviente), Farruco, Carlos Vives, Nicky Jam i Maluma lo forma parti di e selebrashon di 20 aña di ‘Festival Presidente’ ku lo tuma lugá riba dianan 3,4 i 5 di novèmber den Estadio Olimpiko Félix Sánchez na kapital dje pais.
Pa loke ta trata artistanan Dominikano ku tambe lo subi tarima lo tin: El Alfa, El Mayor, Mozart La Para El Lápiz, Mark B, La Revolución Salsera i Chiquito Team Band. E músika trap lo ta representá pa Bad Bonny i Bryan Myers.
Tur kos ta indiká ku e edishon aki di Festival Presidente lo ofresé e streanan di músika latino mas pega di momentu.