KIEV, UKRANIA, AFP.- Ehersisio ukraniano a rekonkista kasi 2500 kilometer kuadra di teritorio kontrolá pa forsanan ruso den último kontra ofensiva ku nan a lansa na final di sèptèmber, asina presidente Vlodomir Zelenski a informá.
“E siman aki so nos sòldánan a libra 776 kilometer kuadra di teritorio den ost di nos pais i 29 siudat inkluyendo seis den e region di Lugansk. En total ya a libra 2434 kilometer kuadra di nos teritorio i 96 lokalidat for di inisio di e operashon ofensivo aki”, asina el a bisa den su diskurso publiká riba retnan sosial.
Den último dianan,m Ukrania a trata di rekuperá teritorio den e region di Jarkov na nort ost pero tambe na sùit serka di Jerson, siudat bou di kontrol ruso.
Mei mei di sèptèmber, Zelenski a anunsiá ku trupanan a rekuperá 6 mil kilometer kuadrá di forsanan ruso durante nan promé kontra ofensiva.