WILLEMSTAD.- Ayera nochi na Avila Beach Hotel Gobièrnu di Kòrsou a otorgá e prestigioso premio Willem C.J. (Boeli) van Leeuwen 2019 otorgá na sr. Norman Moron, músiko ku a desplegá un prestashon meritorio riba tereno di Kultura. E akto ofisial a konta ku presensia di Gobernadó, sra. Lucille Wout; Minister presidente sr. Eugenne Rhuggenaath i Minister di Enseñansa, Siensia, Kultura i Deporte, sra. Marilyn Alcalá-Wallé. E anochi a kuminsá ku 1 minüt di silensio pa Wim Statius Muller, ku a komponé un wals pa Boeli van Leeuwen dia el a hasi 80 aña titulá ‘Yobida di ayera riba Piano’. E komposishon a keda presentá pa Carolina Nicolaas. A sigui ku palabranan di Konseho Kultural Kòrsou, sra. Verele Engels kende alabes ta presidente di hurado. E miembro di hurado, sr. Andrey Pichardo a presentá e relato di hurado. Despues di palabranan di Minister Alcalá-Wallé i Promé Minister, Rhuggenaath a tuma lugá e entrega di Premio na sr. Norman Moron. A hasi entrega di un obra di arte, un chèk simbóliko i e dekreto. Riba potrètnan nos por apresiá algun momento durante dje anochi di entrega di premio.