ECUADOR, AFP- Un prezu a muri ku tiru den e mesun prizòn di Ecuador kaminda a registrá e masakre di mas grandi den e pais i un di esnan di mas pió den Latinoamérika ku 199 hende morto, asina e organismo ku ta atministrá e prizònnan SNAI a informá.

E prezu a keda heridá gravemente pa un impakto di bala i a keda transportá pa un hospital, kaminda el a muri segun e entidat ta bisa riba Twitter.

SNAI a agregá ku e echo a sosodé djaluna ora a registrá vários tiramentu den e prizòn number 1 di e haf di Guayaquil. Den e prizòn aki, un enfrentamentu armá entre bandanan di rivalnan ku tin vínkulo ku narkotráfiko a laga 119 morto na sèptèmber, birando asina tambe e masakre di mas grandi den historia di prizònnan na Ecuador i un di esnan di pas pió den Latinoamérika.

For di e dia ei e violensia no a para den e mesun prizòn; otro 15 prezu a keda asesiná pa asina yega na e total di 134 ku a muri djaluna ei.