ROMA, AP.- Seis prezu ku a protesta kontra restrikshonnan dor di e Coronavirus den un prizòn na nort di Italia a muri despues ku nan a drenta e enfermeria i sufri di un sobredósis di metadon, segun indikashon di outoridat djaluna.
E protesta di djadumingu na Modena tabata un di e vários protestanan ku a kontinuá den prizònnan di Italia. Gruponan di derechi humano ta atvirtiendo ku e emergensia sanitario ta afektando e pueblo penal mirando ku nan ta prohibí pa haña bishita di famia pa evitá un posibel infekshon.
Donato Capece, e sekretario general di e sindikato di wardadónan di prezu a akusá e gobièrnu di bandoná e sistema di prizòn dor ku no a introdusí sufisiente medida pa evitá infekshon entre prezunan i lagando bewakernan indefenso mirando ku nan mester enfrentá prezunan indigna. E prezunan a wòrdu forsa pa hasi yamada solamente via telefòn òf skype.
