WILLEMSTAD.- Djasabra siman pasa durante di un reunion spesial di ‘Nieuwe Limburgse Kabrieten’ e prins nobo a bira konosí.
Na inisio dje anochi a toka turno pa Prins Arie 1 i su ayudante Jan baha, esaki despues ku a yama un bon bini na e ‘ingekomen stukken’ ( den e mundu di Kabrieten, e damanan ku a keda invitá).
Prins Hilde 1, Hilde Bonthuis despues di proklamashon a keda presentá komo e prens nobo.
Kasi sigur bo ta pensa ku e mester pa ‘Prinses Hilde’, pero esei no ta korekto. E ta realmente Prins Hilde, paso un notario femenino òf médiko ta keda un notario i médiko, pe motibu ei e ta keda ‘Prins Hilde 1’.
Den karnaval 2018 e tema di NLK ta ‘Kabrietianen’, nan lo presentá komo indjannan Caiquetio i Arawak. Esnan ku ta interesá pa partisipá den Gran Marcha i Marcha di Despedida nan por yama 562-0921 òf manda un mail na kabriet@limburgsekabrieten.com inskripshon por tambe via di e website

http://www.limburgsekabrieten.com/index.php/inschrijvingen/