WILLEMSTAD.- Resientemente durante di un reunion spesial di ‘De Nieuwe Limburgse Kabrieten’ e prens nobo a keda presentá.
Despues di kanto di himno di Limburg i yama bon biní na e ‘dokumentonan nobo’ (serka de Kabrieten ta e damanan invitá), Prins Anton I i su ayudante Bart a baha for di nan posishon.
Seguidamente despues di a lesa e proklamashon a presentá e prens nobo: Jannes I.
Durante dje anochi a presentá e tema i tambe e trahe di Karnaval pa 2020. E grupo ta bai bèk den dékada 50, esaki den kuadro di selebrashon di 50 aña Gran Marcha di Kòrsou. E trahe ‘Rock & Lol’ a keda presentá. Si bo ta interesá pa partisipá ku ‘De nieuwe Limburgse Kabrieten’ den Gran Marcha i Marcha di Despedida bo por yama 562-0921 òf mail kabriet@limburgsekabrieten.com pa mas informashon. Bo por inskribí tambe via  http://www.limburgsekabrieten.com/index.php/inschrijvingen/