KRALENDIJK  -- E sistema nobo ku a introdusí pa kobra impuesto riba vehíkulo  di mo- tor,  e asina yamá  'number  di outo',  ta  kreando problema  serio  pa loke ta  trata segura-  mentu di un vehíkulo. Ántes pa kumpra number di outo mester  a   akudí    na   un   lokèt   di Ontvanger  pa paga number. Pa hasi esaki mester e presentá un prueba  ku  e outo  tin  seguro  bálido,  sino  no  por  paga  e impuesto en kestion. Esaki  a kambia. Awor ta  un  notifika- shon (aanmaning) ta manda pa e doño  di outo.  E no  mester presentá prueba ku seguro di e vehíkulo  ta pagá.

E forma  nobo  aki  ku  ta apliká pa paga number di outo ta krea un buraku formal  den lei, den sentido ku bo por haña hopi  outo  ta  kore  sin  seguro  bálido.  E  doño  di  outo,  na momentu ku e haña notifika- shon  ku  e  mester   paga  im- puesto, e ta simplemente paga,  sin   ku   ta   nesesario  pa   e presentá un  prueba  di seguro  bálido pa su vehíkulo,  manera tabata e kaso den pasado.

Loke  tampoko   ta  eksistí  mas ta e stekernan ku sa plak riba e plachi di number. Esaki ta hasi  masha difísil  pa polis kontrolá ku si number  di outo ta  pagá.  E prueba  den e kaso aki   mester   ta   e  papel   di transakshon via banko.

Punto  ta  ku  un  outomo-  bilista iresponsabel, tanten ku polis  no  par'é,  por sigui  kore su outo trankil sin seguro,  ku tur  konsekuensia ku esaki  ta trese  kuné.  Si un  aksidente sosodé esnan embolbí no tin un seguro  pa kubri e daño  kousá  na  tersera.  E  ta  hinka   tur  outomobilista den  problema-  nan finansiero grandi.

Den fin di aña e miembro di Konseho  Insular di Demokrat  Robby  Beukenboom a  papia ampliamente riba e asuntu aki den un reunion pa trata kambio den e 'motorrijtuigen belasting' El a  señalá e problema  aki, pero parse  ku miembronan di Bestuurscollege  no tabatin masha oido pa e asuntu aki.