Krioyonan den MLB

Jonathan Schoop (Minnesota Twins) a bai 4-1 ku 2 kareda empuhá riba su di 11 honron di temporada

Jurickson Profar (Oakland A’s) a bai di 5-2 i a konektá su di 9 honron di temporada

Xander Bogaerts (Boston Red Sox) a bai di 4-2 ku 2 kareda anotá i 1 kareda empuhá. El a bolbe konektá honron i doblete den wega. Honron tabata su di 12 di temporada miéntras e doblete tabata su di 18

Ozhaino Albies (Atlanta Braves) a bai di 3-0 ku 1 kareda empuhá riba un fly di sakrifisio

Kenley Jansen (Los Angeles Dodgers) no mira akshon ayera

Didi Gregorius (New York Yankees) Didi Gregorius pronto por djòin Yankees. E siman aki lo tin un klaridat pa e shortstop yu di Kòrsou Didi Gregorius. Aktualmente Gregorius ta hungando partidonan di rehabilitashon ku e sukursal Tripel A di New York Yankees. Espektativa ta, ku tur probabilidat, Gregorius por ta bèk den Liga Grandi na momentu ku Yankees lo ta di bishita serka Toronto Blue Jays i Cleveland Indians otro siman

Andrelton Simmons (Los Angeles Angels) ta riba lista di hungadónan leshoná pa rekuperá di e leshon na su ènkel. No tin un bista kla ainda ki dia Simmons por ta bek den akshon

 Na Hapon

Coco Balentien (Yakult Swallows) a bai di 3-1 ku su di 13 honron di temporada

 Lupa riba Liga Menor

Kevin Jospehina i Shean Michel (Florida Fire Frogs, afiliashon Klase A di Atlanta Braves) Josephina a bai di 2-0 ku 1 kareda empuhá i Michel a bai di 3-0 ayera

Juremi Profar, 1b (Frisco RoughRiders, afiliashon Dòbel A di Texas Rangers) a bai di 4-1 ku 1 kareda empuhá i 1 kareda anotá. Den di dos wega di ayera a bai di 3-0

Ademar Rifaela, OF (Bowie Baysox, afiliashon Dòbel A di Baltimore Orioles) a bai di 4-2 ku 1 kareda anota

Hendrik Clementina, C (Daytona Tortugas, afiliashon Klase A Avansa di Cincinnati Reds) a bai di 4-1 ku 1 kareda empuha

Sherten Apostel, 3b (Hickory Crawdads, afiliashon Klase A di Texas Rangers) a bai di 4-2 ku 2 kareda empuhá i 1 kareda anotá. El a konektá su di 5 honron di temporada i su di 11 doblete

Calten Daal, 2b (Chattanooga Lookouts, afiliashon Doble A di Cincinnati Reds) no a mira akshon ayera

Shervyen Newton (Columbia Fireflies afiliashon Klase A di New York Mets) a bai di 4-0 ayera

Edmond Americaan, OF (South Bend Cubs, afiliashon Klase A di Chicago Cubs) no a mira akshon ayera

Gianfranco Wawoe, 2b (Southern Illinois Miners, Liga Independiente) a bai di 4-1 ayera

Shairon Martis, Curt Smith i Randolph Oduber (Lincoln Saltdogs, Liga Independiente) Smith a bai di 4-0 ayera ku 1 kareda empuhá i a bai di 5-0. Martis no a mira akshon i ta rekuperando di un leshon

 Play of the Day