DUBAI, EMIRATO ARABE UNI, AP.- E prokurador di Saudi Arabia mester tene kombersashonnan ku e investigadónan ku ta manehando e investigashon den asesinato di periodista Jamal Khashoggi na Turkia.
Turkia a bisa ku Saud al-Mojeb lo yega pa asina analisá e deskubrimentunan mas resien di e investigadónan turko. Saudi Arabia no a menshoná e bishita, kua ta pasa vários dia despues ku e direktor di CIA, Gina Hapel, a studia e evidensianan na Turkia pa asina informá presidente merikano Donald Trump.
Turkia a pidi ekstradishon di 18 sospechoso saudi detené den e reino relashoná ku e asesinato di 2 di òktober. E kansier saudi Adel al-Jubeir a deskartá e posibilidat aki den deklarashonnan djadumingu. El a indiká ku e reino lo huzga e outornan i ku nan lo wòrdu sentensiá na final di e investigashon.
Algun di e personanan impliká ta konosí di e prens heredero Mohammed bin Salman.
Khashoggi tabata biba na Merka i tabata un kolumnista pa e korant Washington Post i a kritiká e prens.
