WILLEMSTAD.- Riba fechanan 1e te ku 3 di yüni próksimo lo tuma lugá na Kòrsou e promé festival di Tango na Kòrsou: ‘Petit Tango Fest Curaçao 2018’.Lo e ta un ‘melange’ di bunita arte di baile, poesia, tayernan interesante di baile i di músika. Algu úniko i diferente.
E evento prinsipal lo ta e Tango gala dinner show: ‘Intenso Pasion y Magia’ ku lo tuma lugá riba djasabra, 2 di yüni na Avila Beach Hotel pa 8’or di anochi. Lo ta un anochi di sena Argentino, baile di Tango, Flamenco, Oriental (belly), poesia i mas sorpresa entre otro ‘wine tasting’ eksklusivo. Bo anfitrion riba e anochi aki lo ta e nestor den media i arte, Don Orlando Cuales.

Tayer di Músika
E organisashon tin e honor di por presentá un tayer di músika Tango riba djadumingu mainta, 2 di yüni pa 11’or di mainta na Kura di Arte. E tayer di músika lo ta na enkargo di e gran maestro internashonal di Tango Argentino, Mauricio Castro.
E maestro argentino lo duna un tayer di músika di Tango ku lo laga bu yena ku e magia musikal di Tango Argentino.
Pa mas informashon por sigui e programa riba www.magiaditango.com
Karchinan pa e Gala Dinner Show i Tango workshops ta optenibel na Avila Beach Hotel, reserva bo karchi via www.magiaditango.com òf yama 521-7681.