WILLEMSTAD.- Direktiva di AMAK kier pidi su diskulpa na tur e fanátikonan di festival di tumba, pa e echo,  ku benta di karchi na  e preis  spesial di fls 55,- ta kontinuá, djasabra 17 di novèmber entre 11 or di mainta pa 1 or di mèrdia, na Licores Maduro.
E benta di karchi na preis spesial di awe, djasabra 10 di novèmber,  ta keda kanselá.
E kambio aki, mester a tuma lugá pa motibunan tékniko, ku a pone ku no por a garantisá, ku e karchinan lo keda kla pa awe.
Pues e promé gimmick pa Festival di Tumba, awor  ta tuma lugá djasabra otro siman, 17 di novèmber, entre 11 or di mainta pa 1 or di mèrdia. Un biaha mas diskulpa pa e kambio.