WASHINGTON, AP.- Promé Minister britániko Theresa May ta bai partisipá den un konferensia ku kongresistanan republikano na Philadelphia djaweps, promé ku esaki reuní ku presidente Donald Trump e siguiente dia den Ofisina Oval.

Esaki ta bira e promé gobernante estranhero ku ta reuní ku Trump for di momentu ku el a wòrdu huramentá.

Embahada britániko a bisa ku e enkuentro lo kombertí den un oportunidat pa e dos lidernan konosé otro i “establesé un relashon produktivo di trabou”.

Ta antisipando e próksimo temanan riba e agènda kual ta terorismo, konflikto na Siria, tenshon ku Rusia i e futuro di NATO.

Segun e komunikado di embahada, May lo bira e promé gobernante estranhero ku ta partisipá den e konferensia anual di kongresistanan republikano.