CAIRO, AP.- E promé minister di Sudan a sobreviví un intento di asesinato, segun indikashon di medionan estatal sudanes despues di un eksploshon den e kapital, Jartum.
Abdalla hamdok tabata safe despues di e eksploshon, kual tabata dirigí kontra su komishon, segun indikashon di medionan sitando famia di e mandatario. Hamdok tabata dirigiendo su ofisina na momentu ku e eksploshon a sosodé i a wòrdu trasladá pa un “lugá safe” segun indikashon di e kanal di televishon estatal.
Hamdok a wòrdu nombra komo promé minister aña pasa den luna di ougùstùs, despues ku protestanan pro demokrasia a forsa ehérsito pa remplasá e presidente outókrata Omar al-Bashir i forma un gobièrnu ku liderazgo sivil.
Despues di a negoshá durante vários luna, ehérsito i sostenedónan pro demokrasia a logra yega na un akuerdo pa kompartí poder den ougùstùs. E akuerdo a establesé un komishon soberano di 11 miembro sivil i militar, ku lo goberná durante tres aña.
Den práktika, e generalnan di Ehérsito a sigui goberná e pais i a mustra ku no ta dispuesto na entrega poder na un gobièrnu sivil.
