NEW DELHI, INDIA, AFP.- Promé minister indio Narendra Modi lo partisipá den un kumbre regional, kaminda segun Rusia, e lo reuní ku presidentenan ruso Vladimir Putin i chines Xi Jinping, segun indikashon di gobièrnu indio djadumingu.
Pakistan i kuater pais di Asia sentral (Kazakstan, Kyrgysztan, Usbekistan i Tadjikistan) huntu ku China, Rusia i India lo partisipá den e reunion di Estadonan miembro di Organisashon di Koperashon di Shanghai (SCO) riba 15 i 16 di sèptèmber.
E ministerio chines di Eksterior no a konfirmá e reunion, pero un bosero a deklará na prensa ku e “no tin informashon pa duna” tokante e tema.
India, ku ta kumpra arma di Rusia, a ninga di kondená e invashon na Ukrania i a oumentá importashonnan di petroli di Rusia, meskos ku China a hasi.