ORANJESTAD.-Polis di Oranjestad ta informa ku djamars mardugá a tuma lugá un aksidente i sentral di polis a haña notifikashon 02:44 di esaki. E promé informashon tabata bisa ku e aksidente ta unu hopi serio na altura di Tamarijn All Inclusive hotèl.

Na yegada di e promé patruya na e sitio a topa ku un outo Kia Rio kolo shinishi numerá A-5567 ku den dje un shofùr maskulino ku no tabata reakshoná.

Ambulans a presentá na e sitio, pero no por a hasi nada mas pa e persona. Polis di tráfiko a presentá na e sitio huntu ku polis tékniko pa kuminsá hasi nan investigashon.

Pa 03:25 dr Texier a konstatá morto di e hòmber Giuseppe PAPAGNI nase 24 mart 1987 (36 aña) na Italia.