WILLEMSTAD.- IBFF a kuminsá ku e parti promoshonal di nos 7 partisipantenan pa Miss Curaçao Teenager 2017. Ya e partisipantenan tin 3 siman den práktika pa asina nan por drenta den kontienda bon prepará. Ya nos partisipantenan tabatin enkuentro ku e.o: Thakaidzwa Doran Presidente di FDDK pa e proyekto di Baseball, Maharo Isenia, polítiko hóben i Sra. Amarcelli Schoop pa Integridat i Sosial Media.
E galeria ku IBFF ta presentando den e galeria di potrèt riba facebook ta un inspirashon pa e hóbennan haña mas siguridat i asina nan por presentá muchu mas mihó dia 21 di Mei den e tremendo Gala of Beauty ku pa promé biaha lo ta na PWFC Multifuntional Center pero promé ku esei djaluna awor nan lo bai saka nan órden di presentashon den presensia di prensa, famia i invitadonan.
Kuminsá like e página di Miss Curaçao Teenager riba FB ku ta Miss.Curacao.Teenager. Bo tin ku like e página i despues drenta den e galeria pa asina bo ‘like’ bo partisipante su foto faborito.
Keda pendiente pa mas di Miss Curaçao Teenager 2017 ku tur biaha ta marka e diferensia den sertámennan.