WILLEMSTAD.- Despues di hopi espektativa, djabièrnè último a tuma lugá e konsierto di Burna Boy na Kòrsou. ‘DEN E BEMBE’ por a tuma nota ku e konsierto a logra di atraé un públiko grandi ku sigur a disfrutá dje presentashon di tantu di nos artistanan lokal komo e artista prinsipal dje anochi, Burna Boy.

‘Thumbs Up’ pa nos artistanan lokal ku a presentá riba e anochi aki, nan a hasi un tremendo presentashon i nos mester ta orguyoso di nos talentonan lokal.

E promotornan tambe a sòru pa ofresé e públiko tur loke ku nan a propagá i mester bisa ku reakshonnan positivo so nos a tuma nota di dje for di momentu ku e konsierto a kuminsá te na final.

Ku e resultado aki, nos ta spera ku e promotornan lo sigui bin ku artistanan internashonal Kòrsou i ku públiko sigui sostené promotornan ku ta kumpli ku tur loke nan a propagá pa tuma lugá.

Riba e potrètnan nos por tuma nota di algun momentu durante dje konsierto i tambe e públiko ku a disfrutá dje presentashonnan.