WILLEMSTAD.- E siman di selebrashon di Proskuneo huntu ku e kongregashon di Iglesia House of Worship a kuminsá djabièrnè último ku lansamentu di e albùm nobo di Proskuneo titulá ‘Dios sin Límite’.
Durante 20 aña di eksistensia di tantu Iglesia House of Worship i e tim di alabansa di Proskuneo, Dios a hasi kosnan ekselente i huntu nan a gradisí Dios huntu ku henter pueblo di Kòrsou den dos anochi spesial di selebrashon i adorashon.
E selebrashon spesial di djabièrnè anochi a resultá un anochi festivo di alabansa. E albùm di Proskuneo ‘Dios sin Límite’ ta kontené 12 kansion di alabansa. Riba e fotonan ku ta kompañá e artíkulo bo ta haña un impreshon dje selebrashon i presentashon di Proskuneo.