SANTO DOMINGO (AP).- A lo ménos tres studiante a resultá heridá na nort di Repúblika Dominikano durante e protestanan di alumnonan di Universidat Outónomo di Santo Domingo (UASD) kontra un oumento di beka, asina dirigentenan estudiantil a informá ayera.
E organisashon estudiantil, Frente di Liberashon Amín Abel (Felabel) a sigurá ku tres di su miembronan a resultá heridá djamars anochi dor di agentenan polisial durante e protesta den e kampus di UASD na San Francisco de Macorís, 150 kilometer na nort di e kapital.
Daniel Jerez, bosero di Felabel ku a resultá heridá di bala na un pia, a sigurá periodistanan ku ‘un trupa di polis a yega i sin bisa un palabra a kuminsá tira’ kontra e manifestantenan. El a adelantá ku e protestanan lo sigui te ora ku revoká e desishon di oumentá e bekanan.
Studiantenan di e grupo Felabel a sigui ayera ku nan protestanan na San Francisco de Macorís, kaminda nan a pone tayernan na kandela pafó di e kampus di e siudat ei.
E studiantenan di UASD ku nan mas di 180.000 alumno ta e universidat públiko mas grandi di Repúblika Dominikano. A kuminsá protestá djamars debí na e anunsio di e oumento di e beursnan i di ku nan lo mester paga un kargo nobo pa reinskripshon di entre 300 i 500 peso (entre8i12dòler).
Elasigurákue oumento lo sirbi pa ekipá laboratorionan, kumpra mobi lar io i drecha e biblioteka sentral. El a agregá ku gobièrnu a nenga di oumentá e presupuesto di e akademia.
