ALMATY, KAZAKSTAN, AFP.- Polis di Kazakstan a plama un multitut di manifestante ku gas lakrimógeno djamars. E multitut ta protestá kontra subida di preis di gasolin. Míles di persona a reuní na Almaty, e kapital ekonómiko di e pais sentro asiátiko.

Alrededor di 5.000 persona  a partisipá den e protesta. E tipo di manifestashonnan aki no ta frekuente den e pais, segun indikashon di dos periodista na AFP.

Presidente Kassym Jomart Tokayev a pidi e pueblo pa sea kouteloso i pa no provoká otro.

E manifestashonnan kontra oumento di preis di gasolin a kuminsá e siman aki den siudat di Zhanaozen, den kurason di e region Mangystau.