SANTIAGO, CHILE, AFP.- Un komunidat na sùit di Santiago a konfrontá polis den un protesta djaluna pa falta di alimento i trabou dor di e krísis provoká pa coronavirus, kual tin e kapital chileno den un karentena kompleto.
E bisiñanan di El Bosque, un di e komunidatnan kapitalino di mas pober a protesta poniendo énfasis riba e nesesidat di yudansa di parti e gobièrnu derechista Sebastian Piñera. E gobièrnu a reportá un oumento den e kantidat di infekshon i morto den e último siman ku a pasa.
E manifestantenan, mayoria kubri ku masker a kita barikadanan i protesta violentamente. E violensia a krese i nan a kuminsá tira ku piedra i palu riba polis, kual a purba kontené e disturbio usando gas lakrimógeno i kañon di awa.
