WILLEMSTAD.- Ayera a tuma lugá e tremendo aktividat ‘Fiesta di Pueblo’ den kayanan di Otrobanda despues ku e parti protokolar di ‘Dia di Bandera’ a terminá riba Brionplein. Un públiko grandi a asistí na e evento i na final dje anochi a klousurá e evento ku un konsierto riba Brionplein ku presentashon di Arnell i Orkesta kaminda a duna Doña Mafalda Miguel un homenahe. Riba foto algun imágen dje kantidat di públiko ku a presensia e konsierto ayera nochi riba Brionplein.