BARCELONA, AP.- E ofisina di un legislador katalan den Parlamento Europeo a konfirmá djaluna ku Carles Puigdemont, retirá komo presidente di Catalonia, ta den Bruselas.
Umberto Gambini, e hefe di ofisina di legislador Ramon Tremosa, a bisa: “E ta na Bruselas”.
Puigdemont mester duna un konferensia di prensa na Bruselas djamars, pero no ta evidente si e lo pidi asilo.
Su abogado, Paul Bekaert, a bisa na e kanal di televishon VRT ku Puigdemont “no ta den Bèlgika spesífikamente pa pidi asilo” i a agregá ku ainda no a tuma un desishon.
E Parlamento katalan a keda disolvé i su presidente Carme Forcadell lo ta na kargo di un komité di transishon legislativo te ora ku elekshonnan regional nobo tuma lugá dia 21 di desèmber. Esaki ta konforme informashon di un fuente ofisial ku no a duna su nòmber segun e normanan tabata wòrdu kumpli.
Presidente di gobièrnu spañó Mariano Rajoy a ordená pa disolvé Parlamento Regional a asina kalma e krísis den Spaña, despues ku legisladornan katalan a aprobá un deklarashon di independensia djabièrnè.
