WILLEMSTAD.- Punda i Pietermaai District djaweps awor, 31 di ougùstùs 2017 ta uni forsa pa trese un ambiente di Jazz den e dos barionan di nos sentro di siudat.

Bou di e nòmber ‘City Jazz Walk’ for di 6’or di atardi Punda i Pietermaai District den estrecho koperashon ku e bar i restorantnan lo transformá e kaya den un podio di jazz grandi.

For di Handelskade te ku Avila tur kaminda lo tin músika di Jazz. Punda i Pietermaai District lo traha huntu pa krea un anochi musikal den sentro di siudat.

Pa mas informashon relashoná ku ‘City Jazz Walk’ bo por bishitá e página di evento ‘City Jazz Walk’ riba facebook.