MOSCOW, AP.- Presidente Ruso Vladimir Putin a firma un lei ku ta suspendé e partisipashon di Rusia den un tratado importante di arma nuklear.
E dekreto di Putin, a formalisá e salida di Rusia for di e trato di Forsa Nuklear di Rango Intermedio di 1987 ku Merka. Merka ta e promé pais ku a bandoná e pakto.
Merka a revelá su intenshon di retirá for di INF den febrüari si Moscow no kumpli ku e parameternan. Rusia a ninga ku e pais a violá e pakto i ta akusá Merka di infringí esaki. Moscow a sigui ehèmpel di Washington den febrüari, suspendiendo e pais su obligashonnan ku e pakto nuklear aki.
Putin a atvertí Merka pa no desplegá misil pa Europa, agregando ku Rusia lo reakshoná ku armanan nobo mas kompliká.
