WILLEMSTAD.- Den kuadro di preparashon pa eligí embahadornan pa Karnaval Banda Bou 2018, Fundashon Karnaval Banda Bou a organisá Reina, Prens i Pancho Brindo 2018.
Esaki a tuma lugá djasabra último den kurá di Kolegio San Hose na Barber.
Durante di e presentashon e partisipantenan mester a trese un mensahe i brinda na final pa Karnaval. Hopi tabata e mensahe nan di positivismo, rèspèt, perseveransia, dedikashon i hopi mas.
Komo Reina Brindo 2018 a keda eligí Quedinee Zimmerman i komo Prens i Panchi Brindo a sali ganador Samir Jansen i Rudley Sambo.