MERKA.-  Djasabra anochi durante di ‘Revolt Music Conference’ Queen Latifah a keda honrá ku e galardon ‘Icon Award’ pa ‘Revolt’ e kanal di televishon di Sean ‘Diddy’ Combs’.
E rapper, kantante, aktris i presentadó a risibí e galardon for di man di Diddy. Aparte di Diddy, Jada Pinkett Smith, Monica, Common i Lee Daniels a ekspresá palabranan elokuente pa e músiko durante dje evento.
Dana Owens, e nòmber ofisial di Queen Latifah a konsiderá e galardon komo e rekompensa perfekto. Na final di su spich el a manda un mensahe pa su fanátikonan indikando ku bo mester sigui bo intuishon, soña grandi i keda kere ku bo ta logra bo meta.