WILLEMSTAD.- Manera ya ta un tradishon pa kuido di orea di nos muchanan durante e diferente marchanan, Quota Club ta hasi entrega di ‘oordopjes’.
E aña aki no ta un eksepshon kaminda ku ayera tardi sra. Rainelda Hellement huntu ku un kolega a hasi entrega na e pakete pa Marcha Hubenil na un miembro di Fundashon J.A.G. pa asina kada grupo por haña nan pakete pa repartí.
Kòrda mayornan i lidernan pa yuda nos muchanan pa nan keda ku nan ‘oordopjes’ bistí pa por protehá nan oido. Si bo pèrdè parti di bo oido bo no por rekuperá esaki nunka mas.
Riba e foto na momentu di entrega di e ‘oordopjes’ dor di sra. Hellement di Quota Club na sr. Kirindongo di Fundashon J.A.G.