WILLEMSTAD.- No ta deskonosí kiko tur ‘Quota International of Curaçao’ ta hasi pa Kòrsou. Ku e fondo nan atkerí despues di kada un evento lo wòrdu invertí mesora den nos komunidat i mayoria di biaha den nos mucha-  i hóbennan.
Un di esnan hopi konosí pa nos komunidat ta e “Dòpinan pa Orea” ku ta wòrdu entrega pa Marcha Hubenil i Parada di Tiner i tambe pa e muchanan den nos Parada di Seú. Nos muchanan ménos privilegiá i tambe algun proyekto pa hende muhé.
E evento ku ta bai tin aworakí ta un “Wine Tasting & Food Pairing”. Ku lo tuma lugá djadumingu awor, 5 di mei na Prime Cuisine & Club den Zuikertuintje. Di 4’or pa 8’or di anochi. Preis pa e fundraising aki ta 125 florin pa persona. Kaminda ku nos por kombersá i interkambiá ideanan huntu den un esfera agradabel.
A sobra algun karchi, persona òf empresanan ku kier kontribuí na e fundraising aki por tuma kontakto ku Chantal Rumay na +599 9 523 6937 òf Marie Denise Hoyer na +599 9 511 4350.
Riba e fotonan por tuma nota di algun di e donashonnan bek pa komunidat ku loke a generá for di fundraising. For di awor ‘Quota International of Curaçao’ ta yama bo (so) danki pa boso bunita kontribushon.