WILLEMSTAD.- Den nos edishon di mañan “Djasabra” lo tin un entrevista ku Randal Corsen. Su eksperensia komo areglista i mas ainda komo areglista di e tumba ganadó i komo esun ku a sali promé finalista den areglo.
Randal Corsen ta músiko di konsiertonan grandi na Oropa i awor bèk na su isla natal, Kòrsou. Nos por sigui mir’é den festival di tumba? Su preokupashon pa loke ta e kantidat di inskripshonnan pa tumba ku ta baha. Esaki i hopi mas den nos edishon di Djasabra mañan. Tambe por mira e entrevista digital riba e plataformanan di EXTRA tantu facebook komo wèpsait.