WILLEMSTAD.- Icons by Gio a logra pa atraé Leandry ‘Lele’ Gonzalez pa bai tumba ku nan. Ayera nochi EXTRA a topa Lele den kombersashon ku su kompositor Gibi Doran na Green House. Nan tabata den kompania di Chulo Brunken, kende tabata e persona ku a intermediá pa e rumannan bolbe uni pa bai partisipá den Festival di Tumba. Lele lo interpretá un komposishon di Gibi Doran.
E otro kantantenan ku lo partisipá ku Icons by Gio ta Amos Balentin ku lo kanta su propio komposishon; Djuric Virginie lo presentá un komposishon di Axel Pikero i Monica Mao-cheia lo interpretá un komposishon di Gregory Colina.
Icons a opta pa bai ku 4 kantante tumbero so pa dje forma ei e preparashon ta un dediká mané kustumber dje músikonan.