WILLEMSTAD.- RazorMEN Lookbook ta un ‘lookbook’ spesialmente pa e persona di sekso maskulino i ta ofresé e hende hòmbernan un variashon amplio di tur e desaroyonan ku tin den e mundu di moda i “lifestyle”. RazorMEN lo duna tep nan balioso i eduká e hende hòmber nan riba moda urbanisá, klásiko, streetstyle òf kasual. Tambe lo bo risibí “highlights” di e moda di ántes ku ta bini bèk, di esun aktual òf e moda di futuro. Aparte di duna tep nan interesante riba e parti di vestuario, RazorMEN ta enfoká tambe riba empresarionan ku ta biaha, fanátikonan di outo, boto, deporte etc. Den un frase RazorMEN Lookbook ta kubri henter e “lifestyle” di un hende hòmber.
RazorMEN Lookbook ta wòrdu publiká digital kada 3 luna. Riba e portada di e lookbook lo skohe un hende hòmber yu di Kòrsou inspirativo i/òf influyente lokal i/òf internashonal.
Mas aleu RazorMEN Lookbook tin komo meta pa na momento ku e base lokal wòrdu establesé, internashonalisá e lookbook i di e forma aki promové Kòrsou i e hende hòmber lokal. Hasiendo esaki Pais Kòrsou ta haña entre otro oportunidat di promové su kapital humano den e industria internashonal di moda.
Na fin di aña, den luna di desèmber, RazorMEN Lookbook lo saka su “Man of the Year”. Esaki lo ta e hende hòmber ku mas a resaltá durante aña riba e aspekto di moda i estilo di bida.
RazorMEN Lookbook ta hasi uso di e plataformanan sosial manera Instagram i Facebook pa publiká tur siman un tópiko kaminda abo ku ta ‘follow por siña òf saka algu for di dje òf ku e por wòrdu konsiderá komo un ‘refreshment’ ku bo tin ku tene kuenta kuné den kaso di un vestuario etc.
RazorMEN ta para pa konsientisá i eduká e sekso maskulino for di un edat hóben di (21) te ku un persona madurá di edat (65) ku hopi eksperensia òf ku por tin su propio empresa. “RazorMEN its all about the mens lifestyle”.
Follow RazorMen Lookbook riba Instagram:Razormenlookbook  òf Facebook: Razormenlookbook pa tep nan tokante estilo di bida di un hende hòmber.