MADRID.- Pa di tres biaha de kuater aña Real Madrid ta pasa pa final di Champions League. Real Madrid tabata den e final era Champions League  2000, 2002, 2014, 2016 i 2017. E klup Real den e torneo 2014 i 2016, den semifinal tabata mihó ku Atletico de Madrid. E triunfo na kas di Atletico no a yuda, ora ku siman pasá Atletico a pèrdè 3-0.

Pa e ekipo  di e coach Diego Simeone e eliminashon a kai duru pe den stadion Vicente Calderón. Den e último dos biahanan ku Real a gana Champions League, Atletico tabata e finalista pèrdèdó.

Despues di e shou di Cristiano Ronaldo un siman promé den Bernabeu, den  kua el a anotá tres gol, tòg tabata parse ku ainda Atletico tabata kapas di hasi algu.

Atletico a kuminsá di forma konvisente i na 16 minüt di promé tempu, nan tabatin un bentaha di 2-0. Pero esaki no a yega mas leu ya ku promé ku e wega a bai deskansá, Isco a kòrta bentaha.

Di einan Real Madrid tabatin kontrol riba e wega i den e di dos parti e no a demostrá e espektákulo ku e tabatin den e promé mitar. Na masha poko okashon Atletico a haña chèns pa trese suspenso bek den e wega. Esakinan no a keda kristalisá ni tampoko Kevin Gameiro.