WILLEMSTAD.- Tim di Prekario a kuminsá ku trabounan di preparashon pa pueblo di Kòrsou por registrá i paga Prekario pa Karnaval 2018. Personanan ku tabatin un pèrmit pa derechi di Prekario na 2017 por pasa i hasi nan registrashon i pago for di 22 novèmber 2017, pa Prekario 2018.

Adrès:
Pa e aña akí tambe ofisina di Prekario ta situá den e edifisio di Sektor di Planifikashon Urbano (ROP) ántes DROV pegá ku e edifisio di Radio Hoyer, Plasa Horacio Hoyer #19. Por alkansá e tim di prekario na number di telefòn:   461-5132, durante ora di trabou. E tim ta alkansabel tambe via website: www.prekariocuracao.com

Orario di ofisina ta:
Djaluna pa djabièrnè : 8:00  a.m. – 12.00 p.m.   13:00 a.m. – 17.00 p.m.; Djasabra: 9.00  a.m. - 14.00 p.m. i Djadumingu: 13.00 p.m - 17.00 p.m.

Registrashon i pago ta enserá:
Rekonfirmá dato personal i potrèt; Tuma formulario pa paga na banko òf Paga via swipe na e ofisina di e tim di Prekario.

PREKARIO 2018
Tim di Prekario ta konstatá ku siudadanonan sa hasi pago na banko sin konfirmá si e parsela ta disponibel ainda. Tim di Prekario ta urgi tur persona pa pasa na e ofisina pa atendé e proseso di registrashon i pago.

IMPORTANTE
Fechanan di registrashon i pago di stèlazje i stènt ta:
Sekshon A:  di 22 novèmber  2017  te ku 26 novèmber 2017  (Venezuelaweg te Mirla Plateweg); Sekshon B:  di 27 novèmber  2017 te ku 1 desèmber  2017  (Mirla Plateweg te Misouriweg); Sekshon C:  di 4 desèmber  2017 te ku 8 desèmber  2017 (Misouriweg te Charoweg); Sekshon D:  di 11  desèmber  2017 te ku 15 desèmber 2017 (Charoweg te Brionweg);

Inskripshon di personanan nobo (Lista di espera): di 1 desèmber te ku 15 desèmber 2017;
Tratamentu di lista di espera: di 19 desèmber 2017 te ku 4 yanüari 2018;
Ultimo dia di pago pa personanan riba lista di espera ta: 19 yanüari 2018.