AMAN, JORDANIA (AFP).- Rei Abdala II di Jordania a partisipá den lansamentu di yudansa humanitario den Gaza, segun imágennan difundí pa televishon estatal ku a mustr’é den unifòrm militar na bordo di un avion Hercules C-130.
Den un video di 56 sekònde, e rei di Jordania den un grupo di militarnan tabata lansa kaha ku yudansa humanitario i médiko riba un hospital den nort di Gaza den kaudro di un operashon huntu ku Hulanda, segun e kadena Al Mamlaka.
Medio desèmber, prensès Salma, yu dje rei i kende tin rango di promé teniente pilot di Forsa Aerea Real di Jordania, a tuma parti den lansamentu di suministronan médiko esensial pa e hospital jordano.
Dia 20 di novèmber, e prens heredero jordano Husein a yega e aeropuerto egipsio di AlArish pa supervisá e transporte dje di dos hospital mobil jordano pa zùit di Gaza.
Na momento di risibí rei Abdala II na White House djaluna último, kende un biaha mas a pidi pa stòp awor dirèkt ku e guera den Gaza, e presidente norteamerikano Joe Biden a gradisí Jordania pa a suministrá yudansa humnitario den Gaza.
