SALT RIVER.- Preparando pa e parti final di e torneo World Baseball Classic, selekshon ulandes awe lo hunga un partido di fogeo kontra di e ekipo di Liga Grandi kual ta Arizona Diamondbacks.

Probablemente e ulandesnan lo enfrentá e as picher di e ekipo, e strea Zack Greinke kende lo habri e partido inougural di e ekipo dia 2 di aprel próksimo. Esaki lo bira un partido kaminda Didi Gregorius lo mira akshon kontra su ekipo bieu ku ku kua el a hunga 183 partido entre  2013 i 2014.

Durante fin di siman e ekipo di Hapon tambe lo mira akshon na Arizona hungando dos partido, djasabra i djadumingu, kontra di Chicago Cubs i Los Angeles Dodgers, respektivamente.

Pa motibu ku Hapon a sali na promé lugá i ta hunga e siguiente dia nan partido di semi final, nan a keda otorgá un wega di eksibishon mas.