LONDON, REINO UNI, AFP.- E gobièrnu di Reino Uní a insistí djabièrnè ku lo kontinuá ku su plan kontroversial pa manda solisitantenan di asilo pa Ruanda, apesar di apelashonnan legal di último ora ku posiblemente por kanselá e promé buelo aki.
E sekretaria di Eksterior, Liz Truss, a bisa ku e avion ku destino pa Kigali, kual ta operá pa e empresa spañó Privilege Style, lo lanta buelo sin importá kuantu persona ta na bordo.
Aktualmente solamente seis persona por wòrdu deportá dor di e desafionan legal i revishonnan di kaso. Outoridatnan a bisa inisialmente ku lo deportá 130 migrante.
“Nos lo manda e promé buelo aki awe tardi”, asina Truss a bisa na Sky News ayera, pero e no a konfirmá e kantidat ku lo tei presente na bordo.
