WILLEMSTAD.- Dia 4 di mei próksimo lo tuma lugá na International School na Emmastad un homenahe i show kaminda Melvin Landburg ta pone un toke spesial pa selebrá su di 50 aniversario den farándula.
Di e forma aki Melvin kier a yama danki na pueblo di Kòrsou ku pa gran parti a sostené nos artistanan lokal i en partikular su persona durante di su trayektoria den farándula.
Melvin Landburg i su amigunan invitá lo presentá un anochi di show variá i na nivel.
Romeo Heije i Yentje Silvanie lo ta entre otro e artistanan invitá.
Karchinan ta optenibel na Mensing’s Caminada, 24 uur uit de muur, Tik Tak, Beep Beep Rio, Van den Tweel na Zeelandia i Jan Thiel. Pa mas informashon i reservashon por yama 510-6127.