Kerido Lektor,

Resientemente mi a tuma riba mi pa buska informashon pa mi por yega na sufisiente material ku por resultá den un buki tokante “Nos Teaternan di Sine” di Kòrsou. Nos ta kòrda Ideal – Teater Nahr - Teater Brion - Roxy – Cinelandia – West-End – Caribe – Rex – Royal – Cine Rio i mas. Pero nos tabatin ademas dos filmliga na Kòrsou i tambe sine trùk.
Via korantnan bieu mi por a haña informashon tokante nos teaternan, pero ainda mi falta basta dato konkreto i mi sa ku tin hende aki na Kòrsou, ku ainda tin muchu mas informashon, potrèt i/òf dokumento di e teaternan aki.
Hendenan ku konosé otronan ku por tin informashon i tambe di personanan ku a traha na teaternan di sine, sea bende karchi, operador di sine, tuma karchi na entrada, traha den bar òf bende kos den òf dilanti e teaternan aki, hendenan ku a biba den besindario di e teatronan aki, hendenan ku tabata den komishon pa kür pelíkula, hendenan ku tabata den filmliga òf ku tabata den direktiva di filmliga, i hendenan ku nan ta famia di esnan ku tabata doño di e teaternan.
Gustosamente mi ke drenta den kontakto ku e hendenan aki òf ku abo ku ta disponé di informashon tokante nos teaternan di sine, potrèt òf otro informashon di nos teaternan di sine. Mi kier a pidi bo, si bo tin informashon òf bo konosé hende ku tin informashon ku por yuda mi den mi empeño pa kolektá mas tantu dato konkreto i relevante posibel, fabor mail mi na percy.pinedo@gmail.com òf yama mi na 510-4946. Pa tiki ku e informashon por ta, mi lo apresiá bo tuma kontakto ku mi. Di antemano masha danki

Percy Pinedo
percy.pinedo@gmail.com
510-4946