WILLEMSTAD.- Apesar ku e tayer a tuma lugá na final di dia tur e alumnonan tabata hopi animá i entusiasmá. E tayer tabata sumamente alegre i interaktivo. E alumnonan tabatin hopi pregunta tokante e instrumèntnan i tambe fenómenonan manera tambú di áwaseru i kachu di kunuku. Un esfera i vibrashon hopi dushi. Esaki ta demostrá ku nos hóbennan tin hopi nesesidat pa ekspresá ku arte i kultura. Nan ke sa mas di nan kultura, pa sa ken nan ta i nan ansestronan. Esaki ta enfatisá e nesesidat pa kultura i arte di Kòrsou biba den nos skolnan. Esaki mester ta algu konstante i duradero, no solamente den siman di Kultura. Mester biba nos kultura tur momentu. Finalmente dosentenan tambe a toka tambú pa sera e tayer, demostrando dominio di e ritmo i asina inspirando e alumnonan pa nan bini mas fuerte próksimo bia. Kultura, arte i ritmo ta uni hende ban lanta nos kara i biba nos kultura!