WASHINGTON, AP.- Kas Blanku a señalá djaluna ku e ousensia di kontenido spañó di su paginá web lo tin un karakter temporal. E insidente aki ya a generá krítikanan di e gobièrnu spañó.

E bosero di Kas Blanku, Sean Spicer, a rospondé durante su promé konferensia di prensa ku “nos a traha hopi duru riba e website pa sigurá ku nos ta kla pa inkluí mas informashon mas lihé posibel. Pero nos tin téknikonan trahando ofertaim n’e momentunan aki, e lo tarda un tiki mas”.

E gobièrnu di presidente Barack Obama a krea un vershon ekstenso na spañó di e kontenido ku e website di Kas Blanku tabata ofresé na ingles. Pero algun ora despues ku Donald Trump a okupá presidensia, e kontenido di e paginá aki a kambia i aktualmente no ta inkluí material na spañó.

Arturo Vargas, direkto di Naleo Educational Fund, a indiká na The Associated Press ku si e retiro material ta temporal, “mester a anunsiá esaki for di komienso pa tur persona ta na altura pa ki tempu e informashon ta disponibel bek”.

E gobièrnu di Madrid ta kalkulá ku 567 mion persona na mundu ta papia spañó, di kual 57 mion ta biba den Merka.

White House press Secretary Sean Spicer