WILLEMSTAD.- Nos ta bai drenta e dushi temporada di Seú, nos fiesta di kosecha.
Grupo E Rais di Sablika lo bai tin un reunion informativo i oportunidat pa inskribí.
Esaki lo tuma lugá djadumingu 1 mart próksimo na Sentro di Bario Santa Rosa, di 5 or pa 6.30 or anochi.
Inskripshon ta kosta 50 florin pa persona. Si bo ta interesá di partisipá den un grupo kargá ku ambiente kompañá pa Grupo Rítmiko Sablika bo ta mas ku bon bini. Ban Biba nos Kultura!.