WASHINGTON, AP.- E presidente merikano Donald Trump i e lider di e bloke demókrata den Senado, Chuck Schumer, a reuní djabièrnè atardi den un esfuerso di último ora pa evitá un parálisis presupuestario, miéntras Washington ta dividí i traba den un konfrontashon riba e gastu federal i un solushon legislativo ku ta protehá deportashon di 700.000 migrante hóben.
E duo, ku tin orguyo den nan habilidat pa yega na un akuerdo, a sali di e reunion di Kas Blanku sin un akuerdo, i republikano i demókratanan i Kongreso a sigui kulpa otro miéntras e plaso ta terminá meianochi.
“Nos a logra algun avanse pero ainda nos tin un kantidat grandi di desakuerdo”, asina Schumer a rekonosé dilanti di medionan durante su regreso pa Kapitolio.
Konforme e notisianan di e reunion di Schumer ku tabata propagá, Kas Blanku a buska pa sigurá e lidernan republikano den Kongreso ku Trump no a hasi ningun konseshon importante di e polítikonan, asina un persona na altura di e kòmbersashonnan a bisa.
E lider republikano di Senado, John Cornyn, di Texas, a indiká ku Trump a bisa na Schumer ku e mester resolvé e asuntu ku McConnell, i e presidente di Kámara di Representante, Paul Ryan.