WILLEMSTAD.- Presidente di Parlamento, sra. Giselle Mc. William a posponé tur reunion di Parlamento di e siman aki te próksimo aviso.
E siman aki lo a bai papia riba e karta ku opinion di Raad van State van het Koninkrijk riba proposishon pa otorgá miembronan di parlamento di Aruba, St. Maarten i Kòrsou e oportunidat pa por entregá proposishon di Lei di Reino.
Tambe lo a papia Ontwerplandsverordening Algemene regels Douane toezicht; Landsverordening tot vaststelling van de Begroting 2016 ( 1ste supletoir). Deliberashon ku minister di VVRP, MEO i minister di finansa enkuantu e último desaroyonan rondó di InselAir. I deliberashon ku Gobièrnu tokante seguridat aéreo na Kòrsou. Manera ariba indiká, sra. Mc. William a posponé tur e reunion aki te próksimo aviso.