WILLEMSTAD.- Den kuadro di e plan di urgensia di Gabinete Rhuggenaath a disidí ku e proyekto Top C „Tur Wowo Riba Bo” ta bai tene revishon di kaso (casusoverleg) relashoná ku hóbennan residivista mas tantu posibel den bario. Un promé revishon di un kaso a tuma lugá resientemente na wijkteam Montaña, na unda tabata tin representashon di Ministerio di SOAW (Desaroyo Sosial, Labor i Bienestar) i Ministerio di Hustisia.
Meta di e revishon di kaso tabata pa yega na un plan di atendimiento pa e hóben aki, den kual ta bai atendé kuné, huntu ku su famia i bisindario, pa medio di un plan integral, dirigí riba su persona i intensivo. Lesa mas mayan den EXTRA.